Ég trúi því ekki að stjórnarandstöðunni sé alvara

Ég hef reynt að halda mig frá því að skrifa um stjórnmál en nú get ég ekki orða bundist. Ég er leið. Ástæðan fyrir því er að eftir sem aldurinn hefur færst yfir mig hef ég þroskast í því að hlusta á fólk sem ég er í raun ósammála með það fyrir augum að skilja afstöðu þeirra og virða hana og læra af henni ef það er hægt. Nú hef ég um nokkurt skeið fylgst með málflutningi stjórnarandstöðunnar um Icesave, enda erfitt að komast hjá því og þeir valda mér vonbrigðum því ég trúi því ekki að þeir trúi því sem þeir segjast trúa. Mér finnst þeir vera að leika. Slíkan málflutning er ekki hægt að virða.

Athugasemdir

[Kristbjörn Árnason, 13.8.2009 kl. 08:41]

Mér finnst nú allt í lagi að allt gott fólk tjái sínar skoðanir um pólitík.

[Bergþóra Gísladóttir (IP-tala skráð) 14.8.2009 kl. 22:34]

Leikaraskapur á best við í leikhúsi en þar gerir maður að sjálfsögðu kröfur líka. Maður klappar að minnsta kosti ekki jafn mikið fyrir öllu.