Góðir rithöfundar eru heimilisvinir

Loksins get ég lagt frá mér bók Per Olav Enquist þ.e.a.s. sett hana í hendur manni mínum. Það er ekki hægt að segja að þessi heimsókn PO hafi ekki verið fyrirhafnarsöm. Hann ber mikið traust til lesenda sinna og er því ekkert að spara þeim aukasporin, að fara með sér í alls kyns útúrdúra og deila með manni af reynslu sinni sem hann oft á tíðum skilur ekki sjálfur að ég held. En sem sagt, jag har avverkad 530 sidur og styttra mátti það ekki vera því PO kom víða við. PO er hættur (1990) að drekka og skilgreinir sig sem bindindismann en ekki sem edrú drykkjumann. Á þessu er víst heilmikill munur en svona vill hann hafa þetta. Hann hafði jú í æsku lofað móður sinni og guði því að snerta ekki spriten.