Lífsstíll eða líferni

 

   Mynd úr Laugardalnum

Hvað eigum við að gera í "kreppunni" sem ekki sjáum okkur fært að breyta um lífsstíl? Lífsstíll er það sem allir tala um en ég get ekki séð hverju ég ætti svo sem að breyta. Við höfum um langt skeið lifað góðu lífi sem grundvallast á heimagerðum mat og huggulegheitum sem felst í því að umgangast vini og vandamenn og njóta menningar bóka, bóka og tónlistar. Við vorum svo heppin að vera búin að kaupa árskort á sinfóníuna og vonum bara að hún haldist á floti þetta árið og við fáum að njóta listar hennar í nýju tónlistarhúsi sem vonandi kemst í gagnið áður en ég dey. Mig langar ekki til að breyta neinu hjá mér og sé heldur ekki ástæðu til þess.

 Áður fyrr var talað um líferni en ekki lífsstíl. Það virðist vera á sömu bókina lært með lífsstílinn og lífernið að það er eitthvað sem ekki varðar mig heldur eru það aðrir sem þurfa að huga að því að skoða það hjá sér. Ættum við kannski að fara aftur að fara að tala um syndir og syndaaflausn.

Athugasemdir

[erling (IP-tala skráð) 5.11.2008 kl. 21:51]

Varstu eitthvað að ræða þennan lífsstíl við mig?

þinn Erling

[Bryndís (IP-tala skráð) 7.11.2008 kl. 12:45]

'Eg get tekið undir með þér vinkona, ég hef engu að breyta ... lifi svo hófstilltu lífi að líferni mitt verður óbreytt