Hvítasunnan hefur misst eitthvað af ljóma sínum

Mér hefur alltaf þótt mikið koma til hvítasunnunnar. Mér fannst ekki bara merkilegt að fólk varð innblásið og talaði tungum heldur þótti mér enn þá meira til um að allir skildu það sem var sagt og fannst að það væri á þeirra eigin tungumáli.

Á tímabili var hvítasunnan hátíð unga fólksins. Það tók sig saman um að fara út í náttúruna og búa þannig um hnútana að það væri ekki ólíklegt að það talaði tungum. Á þeim tíma voru þessar hátíðir gjarnan helsta fjölmiðlaefnið. Núna hefur sameiginlegt hvítasunnuhátíðahald koðnað niður í einkaneyslu sumarbústaðaferða og ferða til útlanda. Eða hvað?

Er einhvers staðar von á því að heyra talað tungum?