Vorkoman

Vorið er á leiðinni. Það er erfitt að að segja með vissu hvenær það er komið í raun. Í okkar landi heyrir það vorkomunni til að vorið kemur og hopar, kemur og aftur og hopar en það gefst ekki upp. Að endingu leikur enginn vafi að það er komið og við byrjum að velta því fyrir okkur hvenær óhætt sé að tala um að nú sé sumar.

Ég lauk við að sá til matjurta sem ég ætla að rækta á svölunum í sumar. Gluggakisturnar hjá mér eru fullar af blómapottum og fyrstu blómin sem ég setti niður eru byrjuð að koma upp úr moldinni.

Arnaldur sonarsonur minn var 12 ára um helgina. Ég gaf honum fræ í afmælisgjöf og vonast til að þeir feðgar hjálpist að við að koma þeim í mold.