Fordómar hinna trúuðu

Í kvöld átti ég langt samtal við ágæta vinkonu mína sem rakti fyrir mér hvernig henni hefur margoft liðið þegar menn alhæfða um trúleysingja á ýmsan veg og leggja trúleysi að jöfnu við að vera siðlaus, aðhyllast siðferðilega afstæðishyggju, tómhyggju eða eitthvað þaðan af verra. Ég vildi að ég gæti sagt að ég hefði ekki vitað um hvað hún var að tala. En því miður kannast ég við allt þetta og hefur margoft liðið alveg eins og hún var að lýsa. Ég hef oft verið miður mín þegar ég hef heyrt jafn vel "mætustu" menn tala af slíkri lítilsvirðingu um mig og mína líka, þ.e. fólk sem ekki aðhyllist trúarbrögð. Mitt siðgæði segir mér að mér beri að virða skoðanir annarra og trúarbrögð þar með talið og mér finnst það ekki erfitt. Trúarbragðavæðing nútímans veldur mér áhyggjum því mér finnst í öllum þessum herbúðum hvaða nafni sem þau nú nefnast, kirkjur, moskur eða kauphallir, sé alið á fordómum.

Athugasemdir

[Gisli Magnusson (IP-tala skráð) 17.3.2008 kl. 12:42]

heyr, heyr - vel mælt!!