Íslendingar eru samsekir

Var að horfa á dönsku myndina um fangaflug Bandaríkjamanna. Þetta var afar góð mynd og ég held að það efist ekki nokkur maður lengur um að þessir bandamenn Íslendinga eru sekir um hegðun sem er svo skelfileg að venjulegt fólk getur varla talað um hana. Meðan við gerum það ekki og mótmælum erum við samsek og því höfum við ekki leyfi til að láta eins og þetta komi okkur ekki við. Það er ekki boðlegt að hlusta á rök sem eru á þann veg að það sé undir einhverjum kringumstæðum eðlilegt að pynta fólk eða að það séu til einhverjar kringumstæðum leyfilegt að gera það. Það er erfitt að horfast í augu við að vonska mannanna skuli vera svona nærri okkur.  Og það er öfugsnúið að þurfa að viðurkenna að hún sé að einhverju leyti byggð inn hvunndagslega hluti svo sem þjónustu við flugvélar og rútínur á flugvöllum.

Það sem ég óttast mest í nútímanum er tilhneiging manna til að láta sig ekki varða og taka ekki afstöðu.