Stendur valið um að vera humoristi eða humanisti?

Hvenær er viðeigandi að brosa? Ég verð að viðurkenna að ég hef oftast gaman af Spaugstofunni, unga fólkið í minni fjölskyldu segja að það sé vegna þess að ég sé orðin gömul. Ég verð að taka því. Mér finnst þeim þeim félögum alltaf takast best þegar þeir gera heildstæða þætti og helga þáttinn einu efni. Stuttu brandaraskotin geta verið svolítið leiðigjörn og stundum missa þau marks. Þátturinn á laugardardgsköldið var einmitt þannig, absúrd og skemmtilegur. Nú heyri ég á tali sumra að þeir Spaugstofumenn hafi farið yfir strikið sem er greinilega hið versta mál. Nú veit ég ekki í hvorn fótinn ég á að stíga. Það er ekki góð tilfinning.

Athugasemdir

[Bryngu (IP-tala skráð) 29.1.2008 kl. 21:16]

Já það er þetta með húmorinn og aldurinn og hárfínu línuna sem ekki má traðka á í gamanmálunum. Ég hef oft gaman af gríni Spaugstofumanna en á laugardaginn síðasta stökk mér ekki bros og kenni alls ekki aldri þar um. Mér fannst þeir fara yfir strikið, því miður!