Ég vildi að ég vissi svarið

Í dag eftir vinnu var fyrstu fundur ársins hjá okkur konunum í MFÍK. Við höfum allar áhuga á friðarmálum og teljum að það sé mikilvægt að tala máli friðar, án þess að skipa sér endilega í flokk eða fylkingu. Við erum vanar að halda einhvers konar samkomu með fleiri samtökum, 8. mars á alþjóðlegum baráttudegi kvenna. Við trúum því að það sé þarft að tala máli friðar en í raun er erfitt að höndla inntak þessa litla orðs. Friðurinn er svo lágvær og lætur svo lítið yfir sér. Umræðan hjá okkur í kvöld var að trúlega væri friðar helst að leita þar sem væri fyrir er jöfnuður og kærleikur og kannski gleði. Reyndar komust við ekki nægilega langt í þessari pælingu, enda allar þreyttar eftir erilsaman vinnudag. Hugguðum okkur að lokum við að það væru margar og margir í heiminum að hugsa á svipuðum nótum og við. Undarlegt að það skuli alltaf vera stríð.