Það ætti að setja skilagjald á flugelda

Loksins fer skothríð áramótanna að linna og fegin er ég. Ég hef minna en ekkert gaman af flugeldum, er ekki hrædd við þá heldur hef ímugst á þeim. Mér finnst flugeldar vera bæði umhverfisfjandsamlegir og hættulegir. Þeir sem standa að því að sprengja, ættu að fjarlæga ruslið eftir sig. En þar sem ég að veit þeir muni ekki koma til með að gera það legg ég til að það verði sett skilagjald á flugelda. Þá væri hægt að borga öllum þeim sem tækju sig til að skila inn ruslinu, kannski myndu einhverjir vilja vinna sér inn örlítinn aukapening. Mín vegna mætti hafa þetta skilgjald hátt. Á gamlaárskvöld sit ég inni hjá kisunni og hlusta á það sem kemur frá útvarpsstjóra meðan aðrir fara út og skjóta. Ég held að okkur kisu hafi  báðum dottið í hug að það ætti að láta þá skotglöðu sækja um leyfi til þess til Veiðimálastofnunar.  Því þeir virðast vera sæmilega strangir þar á bæ a.m.k. að minnsta kosti hvað varðar veiðar á rjúpu.