Smjörklípuvélin

Í gamla daga,þegar ég var ung, framleiddum við stundum smjör á mínu heimili. Við áttum smjörmót og eigið framleiðslunúmer, til að neytendur gætu rakið hvaðan smjörið var. Það er langt síðan. 

Löngu seinna lærði ég orðið smjörklípa. Það hefur með pólitík að gera og maður þarf hvorki mót eða númer til að útdeila slíku smjöri, enda ókeypis vara. Ég fór að hugsa um þetta þegar ég lenti í vandræðum með að finna smjörið á morgunverðarborðinu á hótelinu þar sem ég bý. Var þá bent á undarlegt tæki sem mótar litlar sætar smjörklípur, þegar ýtt er á takka. Hugsaði strax heim, svona tæki gæti nýst sumum í pólotíkinni. 

Mér fannst svo mikið til tækisins koma að ég tók mynd af því. 

En auðvitað er þetta vegna þess að hugurinn er á einhverju pólitísku svamli. 

Athugasemdir

[Vésteinn Valgarðsson, 27.10.2016 kl. 15:30]

Frábært! Mikil eru undur tæknivæðingarinnar sem gera líf okkar auðveldara!

[Hörður Þormar (IP-tala skráð) 27.10.2016 kl. 20:23]

Það var víst amma Davíðs Oddssonar sem fann upp þessa frábæru aðferð.

Hún klíndi smjörklípu á feldinn á kettinum sínum til þess að beina athygli hans frá því sem hann hefði annars tekið eftir.