Vandlæting dagsins

Af hverju hefur enginn fréttamaður úrskýrt fyrir mér hvað sé tvöfalt kjördæmaráðsþing (Framsóknarflokksins)? Eiga allir að skilja þetta? Og af hverju skil ég það þá ekki? Spurði félaga mína í bókbandinu í að þessu í dag og fékk tvær hugsanlegar skýringar. 1. Tvöfalt kjördæmaráðsþing: Er tvöfalt fjölmennara en venjulegt einfalt kjördæmaráðsþing. 2. Tvöfalt kjördæmaráðsþing: Eru tvö þing hvort á eftir öðru sama daginn.  En ég hugsa: Gæti kannski verið að þau færu fram á sama tíma en væru aðskilin og kannski alls ekki á sama stað. Eru slík þing bara háð í Framsóknarflokknum?

Eiga allir að vita þetta og af hverju vissu vinir mínir það þá ekki? Ég tek það fram að annar viðmælandi minn á sterk tengsl inn í Framsóknarflokkinn.

Athugasemdir

[Sigurður (IP-tala skráð) 1.12.2012 kl. 23:03]

Þetta er nú ekkert flókið. Á hefðbundnu kjördæmisþingi eiga sæti einn fulltrúi fyrir hverja 10 félagsmenn í framsóknarfélögum kjördæmisins. Á tvöföldu kjördæmisþingi eiga sæti einn fulltrúi fyrir hverja 5 félagsmenn, þ.e. tvöfalt fleiri fulltrúar. Félögin sjá svo um að kjósa sína fulltrúa, ýmist á aðalfundum eða félagsfundum.