Árleg bókmenntakynnig MFÍK

Flest fullorðið fólk hefur líklega komið sér upp jólahefðum sem það vill halda í og finnst jafnvel ómissandi. Þannig er með mig og árlega jólabókmenntakynningu MFÍK, mér finnst hún vera nauðsynlegur þáttur í aðdraganda jólanna. Þessi samkoma er undirbúin af stöllum mínum í uppáhaldsfélaginu mínu MFÍK, þar lesa handplokkuð skáld upp úr verkum sínum og það er hægt að gæða sér á heimtilbúnum kræsingum sem aldrei bregðast frekar en skáldin. Dagskráin þetta árið var afar fjölbreytt  og skemmtileg enda annálað bókaár og heimagerð berjasaft einnar félagskonu fékk einnig verðskuldað lof margra.

                                         Bókmenntakynning MFÍK

                         laugardaginn 10. desember 2011 kl. 14:00

                           í MÍR-salnum, Hverfisgötu 105

                                 Ármann Jakobsson
                                                                       Glæsir

                                   Olga Guðrún Árnadóttir

                                        Á rauðum sokkum

                                Ragnheiður Gestsdóttir

                                  Gegnum glervegginn

                                                          Kristín Svava Tómasdóttir

                                      Skrælingjasýningin

                               Vilborg Dagbjartsdóttir
                                      Úr þagnarhyl

                               Sigríður Víðis Jónsdóttir

                                                                    Ríkisfang: Ekkert

                                            Vigdís Grímsdóttir

                                              Trúir þú á töfra? 

Aðventustemning - kaffisala

Ágóði af kaffisölu rennur í ferðasjóð MFÍK, en félagið stefnir á heimsþing     Alþjóðasamtaka lýðræðissinnaðra kvenna í Brasilíu í vor.

                       Húsið opnar kl. 13:30. Allir velkomnir! 

Ekki spillti að  bókmenntakynningin var haldin í húsnæði MÍR þar sem það er  líklega eini staðurinn á Íslandi þar  sem enn hanga upp gamlar byltingarmyndir í sovétskum stíl. Eiginlega vantaði ekkert á þessa bókmenntakynninngu nema Hannes Hólmstein að lesa úr bók sinni um íslenska kommúnista. Kannski eigum við eftir að bjóða honum, hann gæti alla vega komið inn sem rannsakandi, því þarna mæta bara kommúnistar.