Ræktun blóm- og nytjajurta á svölum. Haustskýrsla

Þar sem ég á ekki garð en hef eðlislæga þörf fyrir að róta í mold nota svalirnar til að rækta blóm og nytjajurtir. Umfang þessarar ræktunar verður stöðugt meira og meira svo ég ákvað að skrá hana. Í sumar hef ég ræktaða eftirfarndi á svölunum mínum (okkar Erlings):

Blómjurtir:

3 stk. vatnsberi, 6 stk. sólblóm, 2 stk. glóbelíur, margar margar skjaldfléttur, margar, margar stjúpur, nokkur ónafngreind blóm (þetta þarf að laga), 3 stk. margaritur, 1. stk. steinbrjótur sem ég fann ná göngu minni

Trjágróður:

2. stk. reyniviður, 1 stk tjúga, 1 stk. tré sem mér var gefið en ég kann ekki nafnið á

Matjurtir:

laukgras, nægilegt til heimilisnota

vatnakarsi, miklu meira en ég nota

steinselja, alltaf til taks

villt jarðarber, uppskeran var 3 ber. afar ljúffeng

1 bakki garðablóðberg

1 stk. piparrót. Þetta var tilraun sem tókst ekki vel því það kom svo mikil blaðlús á hana.

Ég hef sáð til flestra jurtanna, sum hef ég fengið gefins og önnur fundið. Þrjár jurtir eru keyptar og þó nokkrar eru frá fyrra ári eða árum, em sagt fjölær. Piparrótin keypti ég í Hagkaupum. Ég hef mestan áhuga á hvernig ég geti fjölgað fjölærum plöntum, því það er svo gaman að sjá þau lifa.

Það er ýmislegt sem ég þarf að bæta, svo sem áburðargjöf, finna ráð gegn meindýrum og ef til vill skipulag en ég er hreint ekki viss um að það henti mér. Ég fékk hjálp við vökvun í sumarfrí annars hefði þessi ræktun ekki gengið. Til að spara moldarkaup endurnýti ég mold frá fyrra ári með því að geyma hana í svörtum plastpoka ég bæti hana síðan með nýrri mold og áburði.