Takk fyrir Páll Baldvinsson

Sex daga vikunnar les ég blaðið við morgunverðarborðið og oftast er lítið á því að græða. Það sem á annað borð er bitastætt er ég búin að sjá annars staðar (í vefmiðlun) eða heyra. Því miður. Í morgun brá svo við að lítil grein í blaðinu hressti mig, jafnvel betur en kaffið. Það var grein Páls Baldvinssonar um viðtal hans við forsætisráðherra sem ég hafði orðið vitni að og það gerði mig leiða. Ekki vegna þess sem Jóhanna hafði að segja en við vitum öll að hún er að fást við mikinn vanda sem snertir okkur öll. Heldur vegna þess hvernig spyrillinn hagaði sér. Það fékk mig til að hugsa: Honum er skítsama hvernig allt veltist, hann langar bara til að koma höggi á hana. Nú upplýsir Páll mig um það að það sé vegna þess að Sigmar hafi fengið skólun sína í Heimdalli og það sé ekki enn búið að skera á nafnastrenginn við þann skóla. Er þetta satt? Getur þetta verið?

Ég er reyndar líka samála Páli um að það hafi verið leiðinlegt að hlusta á Sigmar lýsa júró frá Ósló. Mér fannst hann svo leiðinlegur að ég stillti á Norsarana sem voru fínir. Reyndar er ég ósammála Páli mínum um að það hefði verið meira gaman að hafa Pál Óskar þarna úti því mér fannst það sem ég sá af þáttunum Páls Óskars allt of neikvætt. Mér finnst leiðinlegt að hlusta á þegar verið að níða fólk niður hvort sem það er fyrir klæðaburð, hágreiðslu eða þá söng. Ef það á að gagnrýna fólk á að gera það af smekkvísi og virðingu. Og þar sem ég er meðvituð amma, hugsaði ég, viljum við að börnin okkar tali svona um fólk. Þetta er nú einu sinni til gamans gert. Ef ég hef skilið tilganginn rétt er keppnin hugsuð til að stuðla að samstarfi og vináttu í Evrópuþjóða, skilningi á meðal fólks og því eigum við að umgangast hana sem slíka. Júrávísjón er ekki Ædol.

Aftur að Sigmari. Það litla sem ég hlustaði á hann þarna úti í Ósló varð til þess að ég grunaði hann um að hafa annað hvort fengið Pál Óskar til að semja textann fyrir sig eða að hann notaði frasana hans frítt.