Smultron

Fátt er svo með ollu illt að ekki boði nokkuð gott, segir máltæki, sem er búið til til að hjálpa okkur til að sætta okkur við það sem er erfitt og leiðinlegt. Ég hef um nokkurt skeið verið að ergja mig yfir því hvað íslensku dagblöðin eru þunn í roðinu var farin að sakna gömlu flokksblaðanna. Loks komst ég að raun um að þetta er ekki með öllu illt heldur getur það ýtt undir lestur góðra og merkilegra bóka. Það er t.d. alveg upplagt að lesa hinu ágætu bók TILL LIVS MED LINNÉ í staðinn fyrir að lesa Moggann eða Fréttablaðið. Í bókinni er fjallað um mat, heilsu og listina að lifa á dögum Linnés. Það kom mér að óvart hversu margt af því sem ber hæst í dag var til umræðu á dögum Linnés. Það ber að hafa það í huga að hann var bæði læknir og náttúrufræðingur. Það er mikil alvara í viðleitni hans að finna jurtir í náttúrunni sem geta nýst fólki þegar hungrið sverfur að. Hann fjallar af mikilli skynsemi um hinar ýmsu jurtir og hefur tröllatrú á smultron, villtum jarðarberjum. Í bókinni er fjöldi uppskrifta.  

Athugasemdir

[Auður Lilja (IP-tala skráð) 18.5.2010 kl. 08:11]

Já hann Linné! Mikið rétt ;)

[Mamma (IP-tala skráð) 18.5.2010 kl. 12:04]

Hann var Uppsalamaður eins og þú og ég gekk með þig í barnavagni um jurtagarða hans. Hann var mikill vísinindamaður og fyrsti "græninginn" sem ég veit um.