Sjálfrennireið

 

 

Af og til hlusta ég á fréttir um hvernig heimurinn verður þegar 4. iðnbyltingin hefur komist á það stig að “vélmenni” annast flest störf sem eru nú eru unnin af fólki. Auðvitað eru þetta ekki vélmenni eins og við þekkjum úr Star Wars, E-3PO og R2 D2 eða hvað þeir nú hétu, heldur kassalaga tölvur og og tilheyrandi vélbúnaður. Ég veit ekki hvað ég hef oft hlustað á fréttir um að nú sé alveg komið að því að bílar verði sjálfkeyrandi, sannkallaðar sjálfrennireiðar. Ekki sækist ég þó eftir þessari fræðslu, veit að það er svo margt sem vísindin geta ekki séð fyrir. Ekkert er öruggt nema dauðinn og ég er orðin gömul kona.

Í gær heyrði ég sagt í mín eyru að í raun væru tölvur miklu betri að taka flóknar ákvarðanir en menn. Þær væru fljótari að vinna úr miklu gagnamagni, vega það saman og taka hlutlausar ákvarðanir. Þetta fannst mér frábært. Svona þyrfti NATO að fá sér, hugsaði ég.

Það væri einfalt og lítið mál að hlaða inn í tölvuna krstnum gildum sem nær allar NATO þjóðirnar eru sammála um (nema kannski Tyrkland).

Hviss, burr og niðurstaðan spýtist út.

Friður

Eða hvað haldið þið kæru vinir mínir?

 

 

Athugasemdir

[Anna Sigríður Guðmundsdóttir (IP-tala skráð) 17.4.2018 kl. 23:39]

Bergþóra. Mikið er ég sammála þér í þessum pistli þínum.

Vísindi og gervigreind eru einskis virði, ef siðferðislegi grunnur kærleika og friðar á jörðu er ekki leiðarljósið. Það verður að forrita gervigreindina með siðmenntaða mennsku, frið og kærleika á jörðu, sem vegvísi inn í framtíðina.

Annars er verr af stað farið með þessa hraðskreiðu og stjórnlausu tæknitryllingu, heldur en heima setið.

M.b.kv.

[Lárus Gabríel Guðmundsson, 18.4.2018 kl. 17:39]

Mikið og rétt hugarfar. Sammála síðasta ræðumanni.