Kári hefur talað

Kári hefur talað og nú spyrja allir, hvernig ber að túlka orð hans. Þannig er það allavega í mínum vinahópi. Og spurningarnar eru margar. 

1. Var orðið gen í eintölu eða fleirtölu?

2. Var orðið sem hann notaði með einu eða tveimur Téum? Gæti verið, að hann ætti eingöngu við eitt gen?

3. Var hann að meina að við nýttum genin okkar lítið og ættum að taka okkur á?

4. Getur verið að við öll búum yfir duldum hæfileikum, einhverju sem við vitum ekki um?

Ég verð að játa að ég skildi hann ekki. Hann getur ekki einfaldlega átt við, það sem allir vita, að ýmiskonar sjúkdómar liggi í ættum, það vita allir og því er það ekki frétt til að fara með í útvarpið á besta útsendingartíma. Það myndi enginn blaðamaður láta bjóða sér slíkt. Það  getur heldur ekki verið að hann hafi einungis verið að auglýsa sig og stofnun sína Íslenska erfðagreiningu og því það væri ósvífið. Spurningarnar eru margar. 

En þar sem ég hef lært að einbeita mér frekar að því mögulega en ómögulega, hef ég kosið að skija Kára á þann veg að við vannýtum genin okkar og ætla því að því að leita að og virkja, ef ég þá finn það, genið sem stýrir tiltektarhvötinni. 

En fyrst af öllu þarf ég að leggja frá mér iPaddinn, stíga upp úr sófanum og hætta að skrifa einhverja vitleysu sem er ekki einu sinni fyndin.

 

 

Athugasemdir

[Steini (IP-tala skráð) 27.3.2015 kl. 18:02]

Varðandi DeCode Genetics og útibú þess fyrirtækis á Íslandi sem notar heitið Íslensk erfðagreining, þá þarf að hafa í huga, að með klækjabrögðum tókst að koma því þannig fyrir, að þegar búið var að gefa fyrirtæki Kára, sem ég kýs að líta á sem bandaríkjamann eða allavega handbendi þeirra, einkarétt á genum nær allra Íslendingar, þá var í raun búið að afhenda bandaríkjamönnum þennan fjársjóð til frjálsra afnota. Fyrirtækið lýtur engum íslenskum lögum eða reglum og heyrir að öllu leyti undir bandarísk lög og bandarískt auðvald þar með.